तरकारीको मूल्य दोब्बर

बजारमा कृत्रिम अभाव देखाएर व्यापारीहरुले केही दिनयता हरियो तरकारीको मूल्य दोब्बरले बढाएका छन् । तिहारको मौका छोपेर व्यापारीले तरकारीमा कृत्रिम अभाव देखाएर मूल्य बढाएका हुन् । आयातमा भएको सामान्य कमीको फाइदा उठाउँदै व्यवसायीले मनपरी ढंगले मूल्य बढाउँदा त्यसको प्रत्यक्ष असर उपभोक्तामा परेको जानकारहरु बताउँछन् ।

अधिकांश तरकारीको मूल्य बढ्दा आमउपभोक्ताले महंगोमा खरिद गर्नुपरेको छ । तिहारमा खपत धेरै हुँदा व्यवसायीले मुल्य बढेर आएको भन्दै

दोब्बर मूल्य बढाएर उपभोक्ता  ठगिरहेका छन् । खोपे गल्लीका खुद्रा व्यापारीले बजारमै तरकारीको मुल्य बढेर आएकाले हेटौंडामा पनि मूल्य बढेको बताएका छन् ।

तिहारका कारणले बजारमा तरकारीको आयातमा सामान्य कमी भएको खोपेगल्लिक तरकारी व्यवसायीहरुले जानकारी दिए । आयात कम भएकाले पनि तरकारीको मूल्य बढेको उनीहरु बताउँछन् । अन्य समयको तुलनामा चाडपर्वमा माग धेरै हुँदा खपत बढ्दै जान्छ, “माग र आपूर्तिको तालमेल नमिल्दा बजारमा मूल्य बढ्ने उनीहरको दावी रहेको छ ।

तिहार र छठको मौका छोपी  व्यवसायीले तरकारीमा दोव्बरले मूल्य बढाएको उपभोक्ताहरुको गुनासो रहेको छ । मनपरी मूल्यवृद्धि गर्ने व्यवसायीहरुलाई अनुगमनको दायरामा ल्याएर कारबाही गर्नुपर्ने उपभोक्ताहरु बताउँछन् ।