तराईका कृषि सामग्री पहाडमा

तराईमा प्रयोग गरिँदै आएका कृषिका आधुनिक मेसिनरी सामानहरु पहाडमा भित्रिन थालेका छन् । कृषि क्षेत्रमा काम गर्ने कामदारको अभाव भएसँगै विकल्पमा त्यस्ता सामग्री आउन थालेका विज्ञहरु बताउँछन् । 

गाउँका युवा विदेश पलायन र कृषि क्षेत्रमा काम गर्ने कामदार अभावसँगै पहाडमा आधुनिक मेसिनको प्रयोग बढेको हो । धान लगाउन, काट्न, भित्र्याउन, खनजोत गर्नलाई त्यस्ता सामग्रीको प्रयोग गर्न थालिएको छ । हाते टेक्टर, थ्रेसर, टेक्टर, हार्भेस्टरलगायतका मेसिनरी सामग्री पहाडमा पनि छ्यापछ्याप्ती भेटिन थालेका छन् । मकै छर्ने मेसिन, धान रोप्ने, चुट्ने, गोड्नेका साथै धान काट्नलाई आधुनिक मेसिन प्रयोग गरिएको छ ।

पछिल्लो समय मकवानपुरक अधिकांश फाँटहरुमा धान

पराल छुटयाउन थ्रेसर, ओसारपोसारमा टेक्टर र धान काट्न (हार्भेस्टर) को प्रयोग बढदो छ । मकै, गहुँ, तोरी, धान लगाउन र भित्र्याउन त्यस्ता सामग्री बढी प्रयोग हुने मकवानपुरका कृषकहरु बताउँछन् । खेताला लगाउनुभन्दा आधै सस्तो हुने भएकाले कृषकले आधुनिक मेसिनरी सामग्री प्रयोग गर्न थालेका हुन् । आधुनिक मेसिनको प्रयोग भएपछि निरन्तर कृषि पेसामा लाग्न सहज भएको कृषकहरू बताउँछन् ।