बाढीपहिरोका कारण कुपोषित हुने संख्यामा वृद्धि

हालै आएको भीषण बाढी र पहिरोका कारणले खाद्यान्न र पौष्टिक आहारको कमी हुँदा नेपालको पूर्वी तराईंमा ठूलो संख्यामा मानिसहरु कुपोषणको शिकार भएका छन् ।

बाढीले घरमा रहेको अन्नपात बगाएको, तरकारी तथा फलफूल पानीमा डुबेर नष्ट भएको र घाँसपातको कमीले गाई–भैँसीले दूध दिनमा कमी गरेको र आर्थिक अभाव भएका कारण धेरै मात्रामा तराईंवासीहरु गम्भीर कुपोषणको शिकार भईरहेको बुझिएको छ । खासगरी गर्भवती महिला, बालबालिका, वृद्धवृद्धामा स्वच्छ खानेपानी र पौष्टिक आहार र गुणस्तरीय खाद्यन्नबाट वञ्चित हुँदा  सो रोगको समस्या देखिएको बुझिएको छ।

बाढीपीडितका लागि सरकारी तथा गैरसरकारी तर्फबाट आउने राहतमा पौष्टिक तत्व नहुने र जीवन धान्ने खालको मात्र राहत आउने गरेको बताइएको छ साथै उक्त भेगका खेतीयोग्य जमिन क्षतिग्रस्त भएको, अधिकांश बालुवाले पुरिएको, खेत बगरमा परिणत भएको र नहरहरु क्षतिग्रस्त भएको बताइएको छ ।